學車考牌咩最緊要? (一)

2018/03/13



學生好多時會問我, 考牌難唔難? 要學幾多堂先夠? 考牌最緊要既係咩?

係態度, 態度同埋態度.

我話, 要學識整郁架車, 2堂就夠了, 但係最重要既係你要剋服你性格上, 對於安全駕駛既不良習慣,
要知道, 無論你架車有幾貴有幾快有幾好性能, 駕駛者(即係你呀)先至係決定安全既主因.

無人要你做個完美既駕駛者, 但係我地要做一個負責任既良好駕駛者, 呢種駕駛者既態度就係希望自己每次駕駛都可以做好而去努力.

操作經驗可以累積, 而我地更加要提醒自己要防止意外發生, 所以, 除左基本操作外, 我地主要要令自己:

1. 集中精神即係唔好俾機會自己分心
2. 留意及預測前方路面交通情況
3. 留意其他道路使用者
4. 留意自己既情緒同埋身體狀態會點樣影響你既駕駛態度
5. 自信

一個優秀既駕駛者會純熟地對操控一架車好有心得, 而一個好既駕駛者係無論有幾多年駕駛經驗都會要求自己會對駕駛有新既體會同改善, 以上.