10個你似懂非懂嘅肥佬原因 Part Two

2018/02/12






上一篇我地講到,教車師傅既工作係令學生養成安全駕駛既意識,而其中一個我最希望佢地記住既係,當面對一個狀況嘅時候應該要做咩,而唔係諗點樣會做錯.


舉一D例子:

1.轉彎要同石壆保持距離。
2.直行要同條馬路平衡。
3.控制車速同前車保持距離。
4.留意交通燈號

精神集中喺正確既事上就係防止犯錯,係未發生既.
相反,我地就會發現錯左之後先諗點樣補救,後果其實可以好嚴重.

再者,黃紙上面大概有70個項目,要記哂真係好難,而學車來來去去得果幾套基本動作,易記得多.

但係我又見討論區好多唔合格既學生都會問,例如"呢個大剔即係咩?","究竟衰乜?","明明照住做都肥?"等等問題,眼見有好多熱心嘅版友都樂於分享佢地嘅睇法,所以我都想根據自己嘅經驗同大家分享下,不過我要強調,大家唔喺現場,實在只能夠猜測而已,唔代表個別事件嘅原因。

以下係英國DVSA嘅數據




DVSA係英國制定駕駛考試標準同監管嘅機構,而香港嘅交通系統源自於英國,因此有好高嘅參考價值。加上香港暫時未有相關數據,就借用黎講解一下。


第10位、未有遵照限制標誌/道路標記的指示

咩叫限制標誌呢? 、
呢度話, "指令標誌稱為「限制標誌」,包括所有表示規定、禁令或限制的標誌。這些標誌可能是強制性或禁制性的,通常圓形,

其下或者附有輔助字牌,註明補充資料。"


例如:





第九位、倒後及停泊

車體任何部份泊出界,責界,或者輕型貨車既車尾停唔到喺"LGV"黃格裡面.

第八位、未有遵照交通燈號指示

例如培正道試場,忠孝街左轉培正道至右轉文福道呢段大直路,總共有4組燈,4組都有些少唔同的,有D有方向箭咀有D無
考牌果陣如果你唔識睇,該去唔去該停唔停就有機會肥佬了.

好了, 今次講住咁多先,下篇繼續,如果你地有咩想知,可以喺Facebook留言.


祝大家 1 take pass!